పయనం – this has become the theme of my life for the last 10-15 years అనిపిస్తుంది నాకు… తిరిగి తిరిగి వేసారిపోయి, ఇక చాల్రా బాబూ అని మనసులో ఎన్ని సార్లు అనుకున్నా గానీ ప్రయోజనం లేకుండా పోయి, మళ్ళీ మళ్ళీ ఒంటికి (కనుపించనివే!) రెక్కలు తగిలించుకుని ఎప్పటి కప్పుడుగా సర్దిచెప్పుకుని ప్రయాణమవ్వాల్సివచ్చినప్పుడల్లా….
శరీరంలో కదలిక- movement- కి సంబంధించిన స్పృహ అసలంటూ లేకుండా వుంటే ఎలావుంటుందో ఊహించుకోవడానికి కూడా రాకుండా వుండేంతగా మారిపోయింది గదా స్థితి…
ఫోటోని చూసిన మిత్రుడొకడు ‘ఎక్కడికో’ అని tag-line పెడితే బాగుంటుంది కదా! అన్నాడు…అప్పటికి అతని స్థితికి సరిపోయే విధంగా – అప్పుడుంటున్న చోటి నుంచి ఇష్టం లేని చోటికి బదిలీ అవగా, తనకి అనుకూలమైన మరోచోటికి బదిలీ కోసంగా పెట్టుకున్న అర్జీ – application – కి జవాబు ఇంకా రాని సందిగ్ధ స్థితిలో, ఇంకా waiting లో ఉన్న అవస్థలో, తను వున్న పరిస్థితికి అనుగుణంగా…
అలాగయితే, నేనన్నానూ…‘ ఎటుపడితే అటు’ అని…నా స్థితికి అనుగుణంగా…గడచిన (గడుస్తున్న) పదీపదిహేనేళ్ళలో నేను వెళ్ళిన, వెళ్ళాల్సొచ్చిన….ఇక ఇక్కడితో నన్నా ముగుస్తాయనుకుని ఎంతగానో ఆశపడినా ముగియక… ఇంకా వెళుతూనే వున్న ప్రదేశాలను తలుచుకునీ, మరొసారి గుర్తుచేసుకునీను.
బాబూ…ఇది అనంతం! ఇష్టమున్నా లేకపోయినా, కూటికోసంగా సాగే ఈ పయనం ఆగదు గదా…పశుపక్ష్యాదులకయినా, మనుషులకయినా!